Psa 132 | Ndebele | STEP | Ingoma yokwenyuka Khumbula, N kosi , uDavida, izinhlupheko zakhe zonke ,

Psalms 132

Isithembiso sikaDavida lesithembiso seNkosi

Ingoma yokwenyuka

1 Khumbula, Nkosi, uDavida, izinhlupheko zakhe zonke ^a, 2 ukuthi wafunga ^b eNkosini, wathembisa kuSomandla kaJakobe ^c: 3 Qotho, kangiyikungena ethenteni lendlu yami, qotho, kangiyikwenyukela ecansini lombheda wami; 4 qotho, kangiyikunika amehlo ami ubuthongo ^d, ukuwozela ezinkopheni zami ^e, 5 ngize ngiyitholele iNkosi indawo ^f, indawo zokuhlala uSomandla kaJakobe ^g.

6 Khangela, sakuzwa ^h eEfratha ⁱ, sakuthola emasimini ^j egusu ^k. 7 Sizangena ezindlini zayo zokuhlala ^l, sikhonze esenabelweni ^m senyawo zayo ⁿ. 8 Sukuma, Nkosi ^o, uye ekuphumuleni kwakho ^p, wena lomtshokotsho wamandla akho ^q! 9 Abapristi bakho kabembeswe ukulunga ^r, labangcwele bakho bathabe kakhulu ^s. 10 Ngenxa yenceku yakho uDavida ungafulathelisi ^t ubuso bogcotshiweyo wakho ^u.

11 INkosi ^v yafunga ngeqiniso kuDavida ^w, kayiyikubuyela emuva kilo ^x: Owesithelo sesizalo sakho ngizambeka esihlalweni sakho sobukhosi ^y. 12 Uba abantwana bakho begcina isivumelwano sami lezifakazelo zami engizabafundisa zona ^z, labantwana babo bazahlala esihlalweni sakho sobukhosi kuze kube nini lanini ^aa. 13 Ngoba iNkosi iyikhethile iZiyoni, iyifisile ibe yindawo yayo yokuhlala ^ab. 14 Le yindawo yami yokuphumula kuze kube nini lanini ^ac; lapha ngizahlala, ngoba ngiyifisile ^ad. 15 Ngizabusisa kakhulu ukudla kwayo ^ae, ngisuthise abayanga bayo ngesinkwa ^af. 16 Labapristi bayo ngizabembathisa usindiso ^ag, labangcwele bayo bazahlabelela kakhulu ngenjabulo ^{ah
,} ^ai. 17 Lapho ngizahlumisa uphondo lukaDavida ^aj; ngimisele ogcotshiweyo wami ^ak isibane ^al. 18 Izitha zakhe ngizazembathisa ihlazo, kodwa phezu kwakhe uzakhazimula umqhele wakhe wobukhosi ^am.